 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
У добрай «Спадчыне» Купала
Жывое слова нам казаў.
Чытала вершы ты, і ўпала
Ў падол прачулая сьляза.
Ты захаплялася, трымцела,
Ты разумела родны сьпеў.
І маладое тваё цела
Палілі радасьць, смутак, гнеў.
Гукала Бацькаўшчына пушчай,
Зьвінела наша сенажаць.
Купала вочы нам расплюшчыў -
Якія скарбы там ляжаць!
З табой у моцным хваляваньнi
Мы прыгадалі даўнiну.
I ты ў глыбокім адчуваньні
Пазнала горыч палыну.
І асьцюкі ізноў тырчэлі,
I ў жыце сьпелі спарышы.
...Няма пустотаў Тарычэлі
Ў тваёй узрушанай душы.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
